PAMPANGA- NAILIGTAS sa tiyak na kamatayan ng mga tauhan ng Criminal Investigation and Detection Group (CIDG) at ng mga kawani ng Animal Kingdom Foundation ( AKF) ang anim na aso sa Brgy. Pangclara sa bayan ng Candaba sa lalawigang ito.
Unang nakatanggap ng impormasyon ang mga awtoridad kaugnay sa panghuhuli ng aso ng dalawang lalaki sa nabangit sa liblib na lugar kung saan na nakasilid sa mga sako ang anim na aso na isa rito ang halos malagutan ng hininga dahil sa tindi ng init.
Ayon kay Atty Heide Marquez Caguioa, program director ng AKF, kinilala ang mga suspek na sina Cepriano Lewag Canasa alyas Manoy, 65-anyos at Marvin L Esperito, 52-anyos,residente sa nabangit na bayan.
Samantala, sasampahan ng kasong paglabag sa ilalim ng RA 8485 as amended by RA 10631 (The Animal Welfare Act of 2017) ang mga suspek na nakakulong sa CIDG detention cell sa Camp Olivas, Pampanga.
THONY ARCENAL