SINIBAK sa puwesto ng Civil Aviation Authority (CAAP) ang kanilang anim na empleyado matapos mapatunayan ng pamunuan na positibong gumagamit ng droga.
Ayon sa nakalap na impormasyon, ang sinasabing anim na empleyado na positibo sa droga ay pawang mga Job Order (JO) kung kayat agarang sinipa sa kanilang mga hinahawakang puwesto bilang mga airport facility cleaner.
Nabatid mula sa opisina ng Flight Surgeon and Aviation Medicine (OFSAM) ng CAAP na mahigit sa 2,000 kawani ang sumalang sa biglaang drug testing.
Dito napatunayan na anim na kawani ang naging positibong gumagamit ng shabu base sa lumabas na resulta mula sa random examination.
Nagsagawa ng drug testing ang CAAP sa mga airport ng Tuguegarao, Kalibo, Mactan Cebu, Laoag, Bacolod, Dumaguete, Puerto Princesa, Zamboanga, General Santos, Iloilo, Davao, Legazpi, Laguindingan, Clark, Naga, Busuanga, Roxas, at Panglao bilang pagsunod sa kauutsan ni Secretary Arthur Tugade.
Sa kasalukuyan, 81 ang bilang ng paliparan na hawak ng aviation regulatory at kabilang dito ang Ninoy Aquino International Airport, Subic Bay International Airport, Clark International Airport, at Cebu-Mactan International Airport. FROILAN MORALLOS
Related posts:
(Dahil sa nakalusot na P1-B droga) BOC AT PDEA OFFICIALS IPATATAWAG NG SENADO
25 AIRPORTS BINUKSAN SA COMMERCIAL FLIGHTS
DEATH PENALTY SA DROGA SINUPORTAHAN
(Taguig LGU pinuri ang pulisya sa pag-aresto sa isa na namang miyembro ng ‘Tinga Drug syndicate’) P20-M ILEGAL NA DROGA NASABAT
5 AIRPORTS NG CAAP OPERATIONAL
(Martial law pinadedeklara ni Duterte sa susunod na presidente) DROGA, KORUPSIYON PROBLEMA PA RIN
(Kontra krimen at ilegal na droga) PEACE AND ORDER PINAIGTING NG PNP
VOLUME NG DROGANG NAKUKUMPISKA LUMALAKI- DILG