CAVITE – REHAS na bakal ang binagsakan ng anim na notoryus drug pusher makaraang masakote ng mga awtoridad sa anti-drug operation sa bahagi ng Barangay Paliparan II sa Dasmariñas City, kamakalawa ng gabi.
Ang mga inaresto at kinasuhan ay sina Christian Rhay Lagasca, 37; Felix Pestano, 49; Matt Garsain, 39, ng Barangay Dacon, General Mariano Alvarez; Cristina Ebol, 39, ng Brgy. Poblacion 1, GMA; Donalyn Decano, 30, Bray. Madera, GMA; at si Avelinda Dumo, 36, ng Phase 4 Mabuhay 2000, Dasmariñas City.
Base sa police report na nakarating sa Camp Pantaleon Garcia, isinailalim sa surveillance ang mga suspek kung saan naging positibo naman sa drug trade kaya isinagawa ang drug bust operation.
Hindi na nakapalag ang mga suspek nang paligiran sila ng arresting team ng pulisya at PDEA 4A sa pangunguna ni P/Chief Insp. Allan Talain ng Drug Enforcement Unit ng Dasmariñas City Police.
Nasamsam sa mga suspek ang 10 plastic sachet na shabu at P500 marked money na ginamit sa drug operation kung saan nahaharap ngayon sa paglabag sa RA 9165 (Comprehensive Dangerous Drug Act of 2002). MHAR BASCO
Comments are closed.