IPINAG-UTOS ni Philippine National Police (PNP) Chief Gen. Rommel Francisco Marbil ang pinakahuling bugso ng rigodon o balasahan sa hanay ng kanyang matataas na opisyal.
Base sa kayang kautusan, inalis bilang Area Police Commander ng Western Mindanao si Lt. General Jonnel Estomo at inilipat ito sa bilang APC-Southern Luzon.
Si Major General Bernard Banac naman ay inalis bilang Director ng Directorate for Police Community Relations at itinalaga bilang Area Police Commander ng Western Mindanao.
Tinanggal din bilang Area Police Commander ng Central Luzon si Major General Marcelino Bazar at itinalaga ito bilang bagong hepe ng Directorate for Information and Communications Technology Management o DICTM.
Samantala, si Brig. General Erich Tan Royales naman na nasa Personnel Holding and Accounting Unit, Directorate for Personnel and Records Management ay itinalaga bilang hepe ng Directorate For Human Resource And Doctrine Development.
Si Brig General Roderick Augustus Alba naman mula sa DHRDD ay inilipat bilang bagong hepe ng Directorate for Police Community Relations at panghuli si Brig General Neri Vincent Ignacio na inalis sa Directorate for Logistics at itinalaga sa Directorate for Comptrollership.
Epektibo ang nasabing rigodon kahapon. EUNICE CELARIO
