ILOILO – APAT na pulis ang nasawi habang 31 iba pang sugatan nang mahulog sa bangin ang 6×6 truck na kanilang sinasakyan sa Brgy. Ginomoy, Alimodian.
Kinilala ni PLtCol. Joem Malong, spokesperson ng Police Regional Office (PRO-6), ang mga nasawi na sina Police Corporal Emerson Peñarubia, Police Patrolman Rex Agupitan, Police Patrolman Prince Angelo Supiter, at Police Patrolman Antonio Tumanday Jr.
Pawang nakatalaga sa PRO’s 601st Company ng Regional Mobile Force Battalion (RMFB).
Kasama sila ng 35 sakay ng truck na galing sa minor encounter nang mahulog ang patrol truck sa bangin bandang ala-1 ng hapon habang binabagtas ang barangay Ginomoy.
Ang truck na minamaneho ni Police Patrolman Francis Prudente, ay bamaligtad kaya nadaganan ang ilang pulis kabilang si Capt. Bonifacio Alabe, ang kanilang commanding officer.
Kinailangan pang gumamit ng heavy equipment para maalis sa pagkakaipit sina Alabe at iba pa.
Sa ngayon, ang mga pulis ay nanatili sa Aleosan District Hospital sa Alimodian, Iloilo samantala ang iba naman ay naka-confine sa Western Visayas Medical Center sa Mandurriao, Iloilo, City. VERLIN RUIZ
Related posts:
2 UTAS, 11 KRITIKAL SA NAHULOG NA JEEP SA BANGIN
VAN NAHULOG SA BANGIN, DRIVER AT 5 PASAHERO LIGTAS
BUS SWAK SA BANGIN: 26 SUGATAN
POLICE MASTER SERGEANT NILIKIDA
PICK UP NAHULOG SA BANGIN, 5 SUGATAN
JEEP NALAGLAG SA BANGIN, 30 SUGATAN
CHIEF OF POLICE SA MAYOR’S ENTOURAGE SA BAGUIO TRIP ‘DI SISIBAKIN
SERVICE BUS MUNTIK NG MAHULOG SA BANGIN
Comments are closed.