KIDAPAWAN CITY- Umabot sa 651 alagang baboy na nagpositibo sa African Swine Fever (ASF) ang kinatay sa apat na barangay sa Kidapawan City, Cotabato.
Ayon kay City Veterinarian Dr. Eugene Gornez, naapektuhan na ang 124 hog raisers mula sa mga Barangay Gayola, Linang-kob, Sikitan at Muaan kung saan aabot na sa P3 milyon ang danyos na isinailalim sa culling activity.
Sinisilip ng city veterinarian na posibleng dahilan ng pagkalat ng ASF ang mga baboy na itinakas bago ang depopulation.
Panawagan ng city veterinarian sa lahat ng hog owners sa nasabing lungsod ang agarang pag-report kapag nakitaan ng sintomas ng ASF ang kanilang mga alagang baboy.
Samantala, pinahihintulutan namang makapasok sa nasabing lungsod ang mga buhay na baboy mula sa mga lugar na wala pang kaso ng ASF.
Tiniyak ding ligtas at isinailalim sa inspection at monitoring ang ibenebentang lechon sa Kidapawan City. MHAR BASCO
Related posts:
SUPLAY NG BABOY SAPAT, TINIYAK SA KAPASKUHAN SA KABILA NG PATULOY NA BANTA NG ASF
SUPLAY NG MANOK, BABOY SAPAT
(Sa paglaganap ng ASF, pagtagal ng sobrang lamig na panahon) SRP SA BABOY, GULAY PANTASYA LANG
PRESYO NG BABOY, MANOK MATAAS PA RIN DAHIL KULANG SA SUPPLY
(Ibinabala ng pamahalaan) ECONOMIC SABOTAGE VS PORK PRICE MANIPULATORS
ASF SUMISIPA PA RIN, TULONG NG DA ‘DI SAPAT
(Ikinasa ng DA) P29.6-B BANTAY ASF, HOG REPOPULATION
(Sa unang 5 buwan ng taon) ASF CASES SA BICOL BUMABA
Comments are closed.