BULACAN- ARESTADO sa isinagawang pagsalakay ng mga tauhan ng Criminal Investigastion and Detection Group at mga tauhan ng Animal Kingdom Foundation ang isang construction worker habang nanghuhuli ng aso sa Brgy, Sta. Catalina-Bata sa bayan ng San Ildefonso sa lalawigang ito.
Sa report ni CIDG chief Maj. June B Tabigo-on, kinilala ang suspek na si Jexter Rafil Y Gabo, 36-anyos, tubong Guimaras Ilo-ilo at residente sa nabangit na barangay.
Ganap na alas-12 kahapon ng tanghali nasakote ang suspek na kung saan nasagip dito ng mga tauhan ng Animal Rescue ang 7 aso na buhay habang 4 naman ang namatay sa loob ng sako dahil sa matinding init ng panahon.
Kasalukuyang detenido ang suspek sa CIDG detention cell habang inihahanda ang kaukulang kaso laban dito. THONY ARCENAL