PAMPANGA – NADAKIP ng mga tauhan ng PNP- Anti Kidnapping Group ang pitong Chinese sa rescue operations sa Subic Bay Freeport Zone.
Kinilala ni Police Lt. Col. Joel Saliba, Spokesperson ng AKG, ang mga suspek na sina Tang Rui Ting, Zhan Yang Feng, Chen Yi Ben, Xiang Quing, Shi Rui Long, Zhang Xiao Long at Wu Fan na naaresto noong nakalipas na Sabado.
Sa paunang imbestigasyon, dating nagtatrabaho bilang personnel assistant sa Exkinum Corporation ang biktimang si Ming Xuangbo.
Nag-resign ito bilang empleyado nang mapag-alamang ilegal pala ang kompanya pero hindi siya pinayagang makalabas hangga’t ‘di nagbabayad ng 19,000 RMB.
Natimbog ang 7 matapos magpasaklolo ang kaibigan ng biktima sa mga pulis. Nakatawag pa kasi si Xuangbo noong gabi ng Nobyembre 1 na ayaw siyang pakawalan ng mga kasamahan sa trabaho.
Nahaharap ngayon ang mga suspek sa kasong kidnapping for ransom with serious illegal detention. REA SARMIENTO
Related posts:
EX-COP ARESTADO SA PAGKIDNAP SA BIR OFFICIALS
SERYE NG PAGDUKOT SA LAGUNA NAKAKAALARMA
FIL-AM KIDNAP VICTIM NAILIGTAS NG PHIL ARMY
P1.6 B SHABU NASABAT SA 2 CHINESE
2 CHINESE, 1 PINAY TIMBOG SA OMB RAID
2 MIYEMBRO NG KFRG TODAS SA ENGKUWENTRO
(Chinese, 5 pa nasakote) P2.72-B SHABU NASAMSAM
CHINESE, PINAY TIMBOG SA PANGINGIDNAP
Comments are closed.