ARESTADO ang pitong hinihinalang drug personalities sa isinagawang magkahiwalay na buy bust operation ng pulisya sa Valenzuela City kahapon ng madaling araw.
Bandang alas- 10:45 ng gabi nang magsagawa ng buy-bust operation ang mga operatiba ng SDEU sa pangunguna ni PLT Joel Magregalejo sa ilalim ng pangangasiwa ni P/Col. Fernando Ortega sa No. 3613 Clemente Compound, Brgy. Gen. T. De Leon.
Kagaad dinamba ng mga operatiba ang kanilang target na si Benson Maguigad, 44-anyos, tricycle driver matapos bentahan ng P300 halaga ng shabu ang isang pulis na nagpanggap na buyer.
Kasama rin nadakip sa operation sina Elmer Martin, 48-anyos; Arnold Carabbacan, 59-anyos; Luis Carvajal, 52-anyos; Christopher Sison, 43-anyos at Jeffrey Restum, 32-anyos matapos maaktuhan ng mga operatiba na sumisinghot umano ng shabu.
Nakumpiska sa mga suspek ang nasa 3 gramo ng shabu na tinatayang nasa P20,400 ang halaga, buy bust money, P640 cash, 5 cellphones, dalawang nakabukas na plastic sachets na may bahid ng hinihinalang shabu at mga drug paraphernalia.
Dakong alas-3 naman ng madaling araw nang mahuli ng SDEU si Francis Cruz, 40-anyosvng Ilocto St. Parada sa isinagawang buy bust operation sa Santolan Road, Brgy. Gen. T. De Leon.
Nakumpiska kay Cruz ang nasa 3 gramo ng shabu na tinatayang nasa P20,400 ang halaga, P300 buy bust money, P200 cash, cellphone at isang motorsiklo. VICK TANES
Comments are closed.