(70% nang tapos) MRT-7 BUBUKSAN SA 2025

MALAPIT nang matapos ang Metro Rail Transit Line 7 (MRT-7) kung saan nagtala ito ng halos 70% progress rate.

Ayon sa Department of Transportation (DOTr), hanggang April 2024, ang railway project na magdurugtong sa Bulacan at Quezon City ay mayroon nang overall progress rate na 69.86%.

“I saw the full speed construction and I’m very happy that they are completing the Quezon City leg of MRT-7 which will be operational at the end of 2025. I am very much impressed with how San Miguel Infrastructure has constructed all the facilities and I’m sure with all your help and hard work we should be able to open this Quezon City leg of MRT-7,” wika ni Transportation Secretary Jaime Bautista.

Ayon kay Bautista, ang DOTr, kasama si San Miguel Holdings Corp. vice president and chief finance officer Raoul Romulo, ay nagsagawa ng inspeksiyon sa MRT-7 depot sa Station 6 (Batasan Station) noong Mayo 23.

Ang MRT-7 projects ay sumasakop sa 22 kilometers at binubuo ng 14 istasyon: Quezon North Avenue Joint Station, Quezon Memorial Circle, University Avenue, Tandang Sora, Don Antonio, Batasan, Manggahan, Doña Carmen, Regalado, Mindanao Avenue, Quirino, Sacred Heart, Tala, at San Jose del Monte.