8 DRUG PERSONALITIES SWAK SA SELDA

CAVITE – WALANG sinasantong batas ang walong drug personalities kaya naman nasakote ng mga awtoridad sa magkasunod na anti-drug operation sa bahagi ng Sitio Sampalucan 2 sa Brgy. Pasong Camachille 2, General Trias City, Cavite, kamakalawa ng hapon.

Base sa ulat ni PO1 Marck Teves Raquel na inaprubahan naman ni P/Supt. Paul Bometivo at naisumite sa Camp Pantaleon Garcia, lumilitaw na unang isinagawa ang anti-drug operation bandang alas-4:30 ng hapon laban sa mga suspek na sina Revano, Abac, Lagang, at Aspillaga kung saan nasamsam ang pitong plastic sachets na shabu, drug money at ang marked money na ginamit sa operasyon.

Sumunod na isinagawa ang drug bust bandang alas-5 ng hapon kung saan nasakote ang iba pang suspek na nakumpiskahan ng pito ring plastic sachets na shabu, mga drug paraphernalia, drug money at P200 marked money.

Kasalukuyang isinailalim sa drug test at physical examination ang mga suspek na nahaharap sa kasong paglabag sa RA 9165 habang dinala naman sa Cavite Crime Laboratory Office ang mga nakumpiskang droga para sa chemical analysis.  MHAR BASCO