MALABON CITY – ARESTADO ang walong hinihinalang drug personalities kabilang ang dalawang umano’y drug pusher na target ng isinagawang buy bust operation ng mga pulis noong Miyerkoles ng madaling araw.
Sa nakalap na impormasyon kay Malabon Police Chief P/ Col. Jessie Tamayao, dakong alas-4:30 ng madaling araw nang isa-gawa ng mga operatiba ng Station Drug Enforcement Team (SDET) at Police Community Precinct (PCP) 6 sa pangunguna ni PLT Rolando Domingo ang buy bust operation sa No. 37 Rivera St., Brgy. Tañong kontra kay Felix Peloton alyas “Gido”, 38, at Jose Peña, 24, ng 240 Purok 3, Dayangdang, Naga City.
Matapos iabot ng mga suspek ang isang sachet ng kush kay PCpl Richard Chis Sevilla na nagpanggap na buyer kapalit ng P1,500 marked money agad sumugod ang iba pang mga operatiba at sinunggaban si Peloton at Peña.
Habang nadakip din sina John Repert Gonzales, 38, Michael Angelo Conson, 32, tattoo artist; Jasper John Sonido, 32, call cen-ter agent; Jhossan Venni Sanchez, 32, Christian Cruz, 38 at Zeus Jino Ong, 29, matapos maaktuhan ng mga operatiba na sinusuri at pinaghahambing ang mga piraso ng plastic sachets ng hinihinalang kush at marijuana.
Ayon kay SDET investigator PMSgt Jun Belbes, narekober sa mga suspek ang 16 plastic sachets ng hinihinalang kush, 4 plas-tic sachets ng hinihinalang pinatuyong dahon ng marijuana, 1 bote na may laman ng pinatuyong marijuana stem, 1 vape pen ng hinihinalang marijuana oil, 5 vape cartridge na may lamang hinihinalang marijuana oil, 23 empty vape cartridge na may bahid ng marijuana oil, 3 improvised tube pipes, 1 electric vape, 1 improvised water pipe, buy bust money at itim na back pack. EVELYN GARCIA
Related posts:
8 DRUG SUSPECTS NASILO SA BUY BUST
DRUG-FREE PHILIPPINES SA 2022 TARGET NG PNP
BANTAY BAYAN, 9 PA NALAMBAT SA DRUG OPS
11 DRUG SUSPECTS ‘NAG-JAMMING’ SA SELDA
5 DRUG SUSPECTS HULI SA BUY BUST
8 HULI SA BUY BUST SA VALENZUELA
2 VENDORS SAKOTE SA DRUG BUST
MAG-UTOL HULI SA ANTI-ILLEGAL DRUG OPS NG QCPD
Comments are closed.