WALONG hinihinalang drug personalities ang nasakote sa isinagawang buy bust operation ng pulisya na nagresulta sa pagkakabuwag sa sinasabing drug den sa Caloocan City.
Kinilala ni District Drug Enforcement Unit (DDEU) Head PLtCol Giovanni Hycenthi Caliao ang mga naarestong suspek na sina Apollo Antonio alyas “Ogie”, 53, watchlisted; Rolan Torres, 49, watchlisted; Nilo Brosas, 51, beautician; Benigno Dela Cruz Jr., 30; Alexander Samson, 49, watchlisted; Eric Pedroso, 28; Donaldo Antonio, 42; at Joseph Villegas, 29.
Sa report ni PLtCol Caliao kay Northern Police District (NPD) Director PBGen. Ronaldo Ylagan, alas-7 ng gabi nang isagawa ng mga operatiba ng DDEU-NPD ang buy bust operation sa pangunguna ni P/Capt. Ramon Aquioatan Jr. kontra kay Antonio at Torres sa 1162 Tambakan St., Road 3, Maypajo Brgy. 35, Zone 3, Caloocan City.
Matapos tanggapin ng mga suspek ang P1000 marked money mula kay PCpl Jeffrey Gabitan na nagpanggap na buyer kapalit ng isang sachet ng shabu, agad sumugod ang back up na mga operatiba saka sinunggaban ang mga ito habang naaktuhan naman sa loob ng sinasabing drug den ang iba pang mga suspek na sumisinghot ng shabu.
Narekober sa mga suspek ang tatlong medium sachet ng shabu, dalawang maliit na sachet ng shabu, dalawang nakabukas na sachet na may bahid ng shabu, mga drug paraphernalias, digital weighing scale, P900 cash, dalawang cellphone, plastic case na naglalaman ng drug para-phernalia at buy bust money. VICK TANES
Comments are closed.