8 PULIS, 1 PA NA-TRAP SA ELEVATOR

Ang larawan ng elevator kung saan na trap ang 8 miyembro ng Quezon City Police District (QCPD) kabilang na ang chief ng SDEU ng Novaliches Police Station 4 at isang sibilyan na hotel staff. Photo by Evelyn Garcia

WALONG tauhan ng Quezon City Police District (QCPD) kabilang ang isang opisyal at sibilyan ang nakulong sa elevator ng isang hotel sa Brgy. Novaliches Proper, Novaliches Quezon City.

Batay sa report, ang mga biktima ay nakulong sa elevator na pag-aari ng Erro’s Inn Hotel sa Buenamar Drive, Brgy. Novaliches Proper, Que­zon City.

Dakong  ala -1:35 ng hapon nang matanggap ng awtoridad ang ulat kaya agad na rumesponde ang mga ito sa ilalim ng pangangasiwa ni PInsp. Peter C Segunto, Station 5 Commander at sa pamumuno ni PFO3 Aldyn E. Gualberto ng 25 Alpha at 25 tauhan nito ang agad na rumesponde sa nasabing lugar.

Agad na nakipag-ugnayan ang 25 Alpha sa mga local official kabilang na ang Brgy. Novaliches Proper kasama si PMS. Romeo Datuin Jr..

Nabatid na sumakay ang naturang mga pulis sa nasabing elevator upang magsagawa ng isang ope­ration sa loob mismo ng gusali.

EVELYN GARCIA