RIZAL-ARESTADO ang walo katao sa droga at ilegal na sugal kasabay nang mahigpit na direktiba laban sa pagtaas ng COVID 19 na nasa ilalim ng level 3 ang bayan ng Montalban.
Kinilala ni Lt. Col. Marcelino Pipo Jr, hepe ng pulisya ang mga nadakip sa magkakahiwalay na operasyon na sina Embran Makuyag, Fredrick Anastacio, Rolando Ebagat, Omelito de Guzman, Ernie Lumanglas, Jon Covad Jr, Joselito Cruz at Jan Danielle Batayola, pawang nasa mga nasa hustong gulang.
Unang naaresto sa buy bust operation ng grupo ni Lt. Fernan Romulo ang tulak na si Makuyag at nasamsam dito ang ilang transparent plastic sachet ng shabu habang nadakip ang pito sa illegal na Cara y Cruz at makumpiskahan din ng shabu kahapon sa Barangay Burgos at San Jose sa nabanggit na bayan.
Ayon kay Pipo, ang pagkakahuli sa mga suspek ay base sa mahigpit na direktiba ni Montalban Mayor Dennis Hernandez laban sa droga, sugal at lalabag sa alert level 3 ng Inter-Agency Task Force (IATF) dahil dumarami kaso ng COVID 19.
Kasong paglabag sa RA9165 (Comprehensive Dangerous Drug Act of 2002) at Presidential Decree 1602 o illegal Grambling ang kinakaharap ng mga naaresto. ELMA MORALES