800 PULIS PUMOSTE SA SC HALL PARA ISEKYUR ANG MGA RALIYISTA

pulis

MAYNILA – AABOT sa 800 pulis ang pumoste sa paligid ng Korte Suprema upang maging ligtas ang rally ng magkaribal na grupo, ang pro at anti-CJ Sereno.

Sinasabing naging maigting ang demonstrasyon ng dalawang grupo kasunod ng pagpapatalsik kay Chief Justice Ma. Lourdes Sereno sa botong 8-6 sa quo warranto na inihain ni Solicitor General Jose Calida.

Sinasabing sa tindi ng damdamin ay nagpang-abot na ang dalawang grupo subalit mabilis na naawat ng mga pulis.

Ipinag-utos naman ni National Region Police Office (NCRPO) Chief, Dir. Camilo Cascolan na magdagdag ng oras sa pagbabantay sa lugar  kahit pa hanggang alas-5 ng hapon lamang ang permit sa rally.

Layunin nito na matiyak na matiwasay ang lugar at maiwasan ang  anumang sakitan.

Kabilang sa hinagpis ng mga raliyista ay pigilan na tuluyang i-disqualify si Sereno habang sigaw naman ang anti-Sereno na  panaigin ng boses ng mamamayan at dapat na itong mag-resign.

Bilin naman ni Cascolan na irespeto ang karapatan ng bawat isa at inatasan ang mga pulis na ipatupad ang maximum tolerance.                         EUNICE C.

2 thoughts on “800 PULIS PUMOSTE SA SC HALL PARA ISEKYUR ANG MGA RALIYISTA”

  1. I recently wished to create a quick comment so that you can express gratitude to you personally for all wonderful pointers you’re posting at this site. Time consuming internet investigation has by the end of the day been rewarded with good quality approaches to show to my guests. I would say that a number of us prospects are really endowed to result from an outstanding network with lots of marvellous people with useful hints. I find myself quite privileged to get used your webpages and appear forward to really more fabulous minutes reading here. Many thanks for lots of things.

Comments are closed.