RIZAL- ARESTADO ang 85 katao sa isang araw na Simultaneous Anti- Criminality Law Enforcement Operation o (SACLEO) na inilatag ng Rizal PNP.
Ayon sa ulat sa ni Rizal PNP Provincial Director Col. Dominic Baccay kay BGen. Jose Melencio Nartatez Jr., 27 katao ang naaresto laban sa droga sa 19 na operasyon at nakumpiska sa mga ito ang 28.44 gramo ng shabu na nagkakahalaga ng P193,392.00.
Habang 58 personalidad ang nadakip kontra illegal gambling at gambling paraphernalias at cash na P4,601.00.
Nakatakda namang sampahan ng kasong paglabag sa ilegal na droga at sugal ang mga suspek sa Rizal Provincial Prosecutor’s Office.
Dagdag ni Baccay, hindi titigil ang Rizal PNP sa pagtugis sa mga kriminal sa buong lalawigan para umano matiyak ang kaligtasan ng mga rizalenyo. ELMA MORALES