LEYTE – INABOT ng dagliang kamatayan ang siyam na sakay ng isang passenger van habang 11 pa ang malubhang nasaktan nang magkasalpukan ang sinasakyan ng mga biktima at 6 wheeler truck sa bayan ng Babatngon kahapon ng umaga.
Sa ulat ng Leyte Provincial Police Office, lumilitaw sa kanilang pagsisiyasat na nahagip ng truck na may kargang mga buhay na baboy ang kasalubong na passenger van.
Nabatid pa na mabilis umano ang takbo ng truck at kinain nito ang kabilang lane pagsapit sa Sitio Tab-ang saktong paparating ang van ng mga biktima na hindi na nagawang makaiwas pa sa paparating na kamatayan.
Ayon sa Babatngon police, ang mga nasawi ay pawang kasama ng 18 walong sakay ng UV Express van.
Mabilis namang naitakbo sa Eastern Visayas Regional Medical Center sa Tacloban ang mga sugatan. VERLIN RUIZ
Comments are closed.