WESTERN VISAYAS- SIYAM na miyembro ng New People’s Army (NPA) ang napatay sa isinagawang joint law enforcement operation ng Philippine National Police at Philippine Army habang 15 iba pa ang dinampot sa Iloilo at Capiz.
Sa impormasyong ibinahagi ni Brig. Gen. Rolando Miranda, regional director ng Police Regional Office 6, isinagawa ang operasyon sa dalawang barangay sa Calinog, Iloilo at pitong barangay sa Tapaz, Capiz katulong ang mga elemento ng Philippine Army 3rd Infanty Division .
Target ng mga awtoridad ang paghahain ng 28 search warrant na inisyu ng korte para sa kasong illegal possession of firearms and explosives subalit sinasabing pinaputukan ang mga alagad ng batas kaya nauwi ito sa enkuwentro.
Sa inisyal na ulat , siyam na rebelde ang napatay sa matapos manlaban umano nang isinilbi ang search warrant sa Tapaz, Capiz.
Nabatid kay Col. Julio Gustilo, director ng Capiz Police Provincial Office, law enforcement operation ang inilunsad katulong ang mga sundalo.
Narekober din sa lugar ang mga hindi lisensiyadong mga matataas na kalibre ng armas at granada.
Sa ngayon, nagpapatuloy pa ang operasyon ng mga awtoridad.
Sinasabing pawang mga katutubo o Indigenous People na naninirahan sa isang barangay sa Panay Island ang napatay sa Rizal Day joint police and military operation at kasapi ng Tumanduk nga Mangunguma nga Nagapangapin sang Duta kag Kabuhi (Tumanduk) na binubuo ng 17 indigenous peoples communities sa Tapaz.
Ayon sa PNP-CIDG ang mga napaslang ay mga NPA na nanlaban mula sa mga barangay Tapaz, Lahug, Nawayan, Tacayan, Aglinab, Acuna at Daan Sur.
Isang pulis ang nasugatan sa nasabing operation. VERLIN RUIZ
Related posts:
KAGAWAD NG PNP AT GRUPO NG NPA NAGKA-ENGKUWENTRO
PRAYER RALLY TUGON NG PNP-CAUAYAN CITY SA NPA
MILITAR, PNP VS NPA NAGSAGUPAAN
LIDER NG NPA NALAMBAT NG MILITAR AT PULISYA SA BUTUAN CITY
SUNDALO AT CAFGU HOSTAGE NG NPA
ROLL CALL SA PNP PERSONNEL SA LAGUNA
REBELDE SINAMANTALA ANG GIYERA, NAKAPUSLIT
18 NPA KINASUHAN NG MURDER SA SB MEMBER
Comments are closed.