9 SHABU COURIERS SAKOTE SA DRUG TRADE

CAVITE – SIYAM katao na nasa drug watchlist bilang shabu courier ang nasakote ng mga awtoridad sa  magkasunod na anti-drug operation sa bahagi ng General Trias City sa lalawigang ito kahapon ng madaling araw.

Base sa police report na nakarating sa Camp Pantaleon Garcia, unang isinagawa ang anti-drug operation bandang alas-3 ng madaling araw sa bahagi ng Barangay Pasong Kawayan 1 kung saan nasakote ang mga suspek na sina Christopher “Topher” Claridad y Camutin, Aron John Papa y Saliba, at si Dante Colinaryo y Boleche.

Nasamsam sa mga suspek ang 6 plastic sachets na shabu, P600 drug money at ang 300 marked money na ginamit sa anti-drug operation.

Samantala, isinunod namang isailalim sa anti-stug operation ang bahagi ng Barangay Sta.Clara kung saan nasakote ang suspek na sina Jeromy “Jomie” Delos Reyes y Dequeto, Jay-Ar Jordan y De Gola, Joel Lungcay y Pareja, Eden Conce y Jardin, Jar-Ar Gallardo y Pitong, at si Richard Corus y Noche.

Nakumpiska sa mga suspek ang 8 plastic sachet na shabu (5.4 gramo) na may street value na P36,000.00; P1,200.00 drug money at P300 marked money.

Isinailalim na sa drug test at medical examination ang mga suspek na kasalukuyang nasa police detention facility habang pina-chemical analysis naman ang nasamsam na shabu na gagamiting ebidensya sa pagsasampa ng kasong paglabag sa RA 9165. MHAR BASCO