BATAAN- PINANGUNAHAN ni Mayor Jopet Inton ang pagsira at pagwasak sa nakumpiskang 90 motorsiklo na may maingay na tambutso (muffler) sa bayan ng Hermosa.
Alinsunod sa Republic Act 4136 Chapter 4 Section J at sa bisa ng isang Municipal Ordinance ay mahigpit na ipinagbabawal ang mga modified muffler o maingay na tambutso ng motorsiklo sa bayan ng Hermosa.
Sa pamamagitan ng isang maso, sinira ang mga nakumpiskang modified muffler.
Kaya’t babala sa mga gumagamit nito, may karampatang parusa ang sinumang mahuhuling lalabag sa batas kaugnay dito at agad i-report o itawag sa numerong 09487676327. ROEL TARAYAO