945 BAGONG HIV-AIDS CASES

UMAKYAT sa 945 bagong HIV-AIDS infection sa bansa ang naitala ng Department of Health (DOH) noong Nobyembre 2018 lamang.

Ito ay batay sa November 2018 HIV/AIDS & Art Registry of the Philippines (HARP) ng DOH-Epidemiology Bureau, matapos na lagdaan ni Pangulong Rodrigo Duterte ang Philippine HIV and AIDS Act.

Ayon sa DOH,  sa nasabing bilang, 18% o 174 kaso ang may clinical manifestations ng advanced HIV infection at ang 95% o 900 sa kanila ay pawang lalaki.

Lumilitaw na ang mga biktima ay nagkaka-edad lamang ng isang buwan hanggang 71-taong gulang, at may median age na 27-taong gulang.

Ang 48% o 456 kaso ay nasa 25-34 years old lamang, at 32% o 299 kaso ang nasa 15-24 years old nang isagawa ang pagsusuri.

Pinakamaraming naitalang kaso sa National Capital Region (NCR) na nasa 29% o 272 kaso, sumunod ang Region 4A (14%, 131 kaso), Region 3 (13%, 119 kaso), Region 6 (8%, 77 kaso), at Region 7 (8%, 77 kaso).

“Sexual contact remains the predominant mode of transmission (96%, 911 cases).  Among this, 88% were males who have sex with males (MSM). Other modes of transmission were needle sharing among injecting drug users (2%, 18 cases) and mother-to-child transmission (<1%, 6 cases).  There were 10 cases that had no data on mode of transmission,” ulat pa ng DOH.

Kabilang din sa mga newly diagnosed HIV-AIDS victims sa natu­rang buwan ang anim na babaeng buntis na ang tatlo ay mula sa NCR at ang tatlo pa ay mula sa Regions 4A, 6 at 7.

Sa nasabing kabuuang bilang 37 ang iniulat na nasawi na rin dahil sa sakit sa nasabing buwan.

Ayon sa DOH, dahil sa nasabing mga bagong kaso ng HIV-AIDS infection, umakyat na sa 10,550 ang bilang ng mga pasyente na tinamaan ng sakit mula Enero hanggang Nob­yembre 2018 lamang at kabuuang 61,152 naman mula Enero 1954 hanggang Nobyembre, 2018.  ANA ROSARIO HERNANDEZ