HINDI kaagad maibababa ng Pilipinas ang presyo ng bigas sa P20 kada kilo, ayon sa dating kalihim ng Department of Agriculture (DA).
Sinabi ni dating DA Sec. Leonardo Montemayor na aabutin ito ng mahigit dalawang taon.
“Within 6 years, at least, we will have laid the foundation,” ayon kay Montemayor.
Ayon naman sa presidente ng farmers’ group na Samahang Industriya ng Agrikultura (SINAG) na si Rosendo So, kasalukuyang tumataas ang presyo ng gasolina at maaari itong maging hadlang sa pagpapababa sa presyo ng bigas.
“’Di talaga kaya sa ngayon. In the future kung ang seed production natin umabot 8 tons or 7 tons average baka puwedeng mangyari ‘yun pero sa ngayon, ang target pa natin 6 tons for the next 3 years dahil ‘yun lang ang kaya na napo-produce ng field rice,” aniya.
“If you are producing more, you need more inputs na (of) fertilizer and irrigation.”
Tinukoy rin ni Montemayor ang pagbabago ng klima bilang isa sa mga hamon na kinakaharap ng sektor ng agrikultura.
“Maybe revise the way we position our agriculture production areas. Pagka halimbawa masyadong prone to typhoons, maybe less on coconut tree replanting… more push on bamboo production,” ayon kay Montemayor.
– LIZA SORIANO
Related posts:
(Tiniyak ng DA sa gitna ng banta ng El Niño) SUPLAY NG BIGAS SAPAT
(Kahit sa lean months – DA) SUPLAY NG BIGAS SAPAT
(Ayon sa DA) P20 KADA KILONG BIGAS MALABO PA
(Posible sa import talks sa Vietnam, India) BAWAS-PRESYO SA BIGAS
(Anihan simula na ngayong Setyembre, Oktubre) PRESYO NG BIGAS TATATAG NA
PRICE CAP SA BIGAS AT ANG PAGBABAWAS SA TARIPA SA RICE IMPORTS
(Inaasahan ngayong buwan) 1.4 MMT DAGDAG SA SUPLAY NG BIGAS
(Ayon sa DA) PRESYO NG BIGAS NAGIGING STABLE NA