(Aaksiyunan ng Kamara) INCOME TAX NG PRIVATE SCHOOLS

KIKILOS na ang Kamara kaugnay sa mataas na income tax na sinisingil ng Bureau of Internal Revenue (BIR) sa mga pribadong paaralan.

Batay sa inilabas na regulasyon ng BIR, mula sa 10% ay itinaas sa 25% ang tax rate ng mga private educational institution na salungat sa Tax Code na inaamyendahan sa Corporate Recovery and Tax Incentives for Enterprises (CREATE) Law.

Naghain si House Ways and Means Committee Chairman Joey Salceda ng House Resolution 9596 na nag-aamyenda sa Section 27 (B) ng National Internal Revenue Code of 1997.

Batay sa formulation ng NIRC na siyang naging batayan ng Supreme Court sa CIR vs Dela Salle University, ang isang pro-prietary educational institution ay magiging entitled lamang sa 10% corporate income tax kung ang pribadong paaralan ay non-profit at kung hindi lalagpas sa 50% ang gross income mula sa unrelated business at activity ng pribadong paaralan.

Nakasaad sa resolusyon na hindi maaaring buwisan ng BIR ang mga proprietary educational institutions na kontra sa pagtingin ng korte.

Dahil dito, magsasagawa ng pagdinig ang House Ways and Means Committee ngayong session break para ma-kalikha ng batas laban sa anumang mataas na singil sa buwis na ipapataw sa mga pribadong paaralan.

Balak itong pagtibayin bago ang pagbabalik-sesyon at maisumite agad sa Senado.

Samantala, nakipagpulong na rin si Salceda sa BIR matapos na sumaklolo sa kanya ang Coordinating Council of Private Educational Associations of the Philippines (COCOPEA) hinggil sa mataas na singil sa buwis ng ahensiya para sa mga ‘for-profit’ na private schools.

Sa pulong, aniya, sa BIR ay nakakuha naman siya sa ahensiya ng commitment ng suporta para sa revision ng mga kalabuan ng batas para maka-avail ang mga pribadong paaralan ng 1% income tax rate hanggang 2023. CONDE BATAC

Related posts:

(Lusot na sa Kamara) 1% INCOME TAX SA PRIVATE SCHOOLS (Itinutulak sa Kamara) TAX HOLIDAY SA HEALTH WORKERS (Isusulong sa Kamara) TAX BREAK SA MAGHA-HIRE SA EX-PDLS (Isinusulong sa Kamara) TAX-FREE SA REWARDS NG NAT’L ATHLETES (Aprub na sa Kamara) TAX EXEMPTION SA HONORARIA NG POLL WORKERS (PCSO nagpasaklolo sa Kamara) DOCUMENTARY STAMP TAX PABABAIN (Isinusulong sa Kamara) 6-MONTH FUEL EXCISE TAX REDUCTION (Aprub na sa Kamara) TAX EXEMPTION, SUBSIDIY SA CREATIVE INDUSTRY