SUMAILALIM sa hands-on training ang mga kawani ng Education and Information Department (EID) ng Commission on Elections (COMELEC) hinggil sa end-to-end operation ng Automated Counting Machine (ACM).
Ang pagsasanay ay isinagawa ng Information Technology Department (ITD) ng COMELEC bilang paghahanda sa mga demonstrasyon ng ACM sa iba’t-ibang sektor at sa nalalapit na ACM roadshow.
Dumalo si Chairman George Erwin M. Garcia upang magbigay ng mahahalagang pananaw at paalala ukol sa kahalagahan ng wasto at komprehensibong edukasyon para sa mga Pilipino tungkol sa bagong makinaryang ito.
Ayon kay Garcia, mahalagang maiparating sa publiko ang tamang impormasyon tungkol sa ACM upang masigurong magiging maayos, mabilis at kapani-paniwala ang halalan.
Ang ACM ay bahagi ng inisyatibo ng poll body na mapahusay ang sistema ng pagboto at bilangan sa bansa gamit ang makabagong teknolohiya.
RUBEN FUENTES
Related posts:
7,500 COUNTING MACHINES DUMATING SA COMELEC
MAHIGIT 2K NAGPAREHISTRO SA COMELEC PATEROS
PAMIMIGAY NG SAMPLE BALLOTS BAWAL
1M BALOTA SINIRA NG COMELEC
UNANIMOUS VOTE KAY COMELEC CHAIR ABAS
2M APLIKASYON PARA SA VOTERS REGISTRATION NAITALA NG COMELEC
NATIONWIDE SATELLITE REGISTRATION ISINAGAWA NG COMELEC
SPECIAL EXCLUSIVE REGISTRATION PARA SA PWDs, SENIOR CITIZEN ITINAKDA