ACT-CIS,TUTOK ERWIN TULFO MAMAMAHAGI NG BIGAS SA NCR

TRUCK-truck na sako ng bigas na nagkakahalaga ng dalawang milyong piso ang ipapamahagi ng ACT-CIS party list at ng “Tutok Erwin Tulfo” program sa depressed areas ng Metro Manila at Ca­vite para sa mga kababayang mala-lockdown muli sa loob ng isang linggo dahil pa rin sa pandemya.

Ito’y bilang tugon sa paglalagay muli ng pamahalaan sa enhanced community quarantine (ECQ) ang Metro Manila at mga karatig na lalawigan simula ngayong araw, Marso 29, hanggang Abril 4, Linggo, bunsod na rin nang patuloy na paglobo ng mga naitatalang kaso ng COVID-19 sa mga naturang lugar.

“Ito po ang mun­ting tulong namin ni Sir Erwin sa mga kababayan natin na mawawalan na naman ng trabaho for one week at habang inaantay nila ang ayuda ng pamahalaan,”ayon kay ACT-CIS Cong. Eric Yap.

“Magpapadala po kami ng bigas sa Caloocan, Taguig, Quezon City, Mandaluyong at sa Silang, Cavite, either through the local government units (LGUs) or sa mga simbahan at sila na po ang bahala mag-distribute sa kanilang mga constituents o parokyano,” ani Yap.

Aabot sa ₱2 milyong halaga ng bigas ang binili ng ACT-CIS at Tutok Erwin program kahapon matapos ianunsyo ng palasyo ang lockdown muli ng NCR at mga ka­tabing lalawigan nito dahil sa paglobo ng hawahan ng COVID-19 virus.

Pinakiusapan din ni Cong. Yap ang publiko na kung hindi naman importante ang lakad tulad ng papasok sa trabaho o mamimili ng pagkain, wag ng lumabas ng bahay para hindi na maka­dagdagpa sa problema.

Kilala ang ACT-CIS at ang “Tutok Erwin Tulfo” program sa pagbibigay ng ayuda noong nakaraang taon na apektado ng lockdown at mga nagdaang bagyo sa Catanduanes, Legaspi, Cagayan Valley at ang malaking baha sa Marikina City kamaka­ilan. PMRT

Related posts:

(Imbestigasyon hiniling ng ACT-CIS Partylist) LGUs PINAKIKILOS VS PEKENG PWD IDs PAGKAIN, MATERYALES PINADALA NG ACT-CIS SA BICOL