AEGIS JURIS FRATERNITY MEMBER GUILTY SA OBSTRUCTION OF JUSTICE

AEGIS JURIS FRATERNITY

NAHAHARAP sa parusang pagkakabilanggo ang isang miyembro ng Aegis Juris fraternity group matapos na mapatunayang guilty sa kasong obstruction of justice, kaugnay ng kaso ng pagkamatay sa hazing ni University of Santo Tomas (UST) freshmen student Horacio “Atio” Castillo III noong 2017.

Batay sa desisyong inisyu ng Manila Metropolitan Trial Court Branch 14 kahapon, hinatulang mabilanggo ng hanggang apat na taon, dalawang buwan at isang araw si John Paul Solano.

Gayunman, sa natu­rang desisyon ay inabsuwelto ng hukuman si Solano sa kasong perjury na kanyang kinakaharap.

Si Solano ay matatandaang siyang nagsugod kay Castillo sa Chinese General Hospital noong Setyembre 17, 2017.

Sa kanyang mga naunang pahayag sa pulisya, sinabi nito na hindi niya kilala si Castillo at natagpuan lamang niya itong naka-handusay sa Tondo, Manila, kaya’t isinugod sa pagamutan.

Kalaunan ay nabu­king na nagsisinu­ngaling ito nang matuklasan ng mga pulis na magkasama sila sa frat group ng biktima, at matapos na pabulaanan ng mga lokal na opisyal na hindi sa kanilang lugar nadiskubre ang katawan ng hazing victim.

Inamin din nito na wala siya sa frat library nang isagawa ang ha­zing kay Castillo, ngunit tinawag siya ng kanyang mga kasamahan at inutusan siyang magdala sa biktima sa pagamutan.

Bukod kay Solano may 10 iba pang mi­yembro ng fraternity ang nahaharap din sa kasong homicide at paglabag sa Anti-Hazing Law dahil sa naturang fatal hazing incident. ANA ROSARIO HERNANDEZ

3 thoughts on “AEGIS JURIS FRATERNITY MEMBER GUILTY SA OBSTRUCTION OF JUSTICE”

  1. 181093 504780Was koche ich heute – diese Frage stellen sich tag fuer tag viele Menschen. Und wir haben tag fuer tag die perfeckte Antwort darauf! Besuchen Sie uns auf unserer Webseite und lassen Sie sich von uns beraten . Wir freuen uns auf Sie! 753282

  2. 846222 665945Any person several opportune pieces, it comes surely, as properly as you bring in crave of various the a lot of other types of hikers close to you with hard part your question. pre owned awnings 562328

Comments are closed.