TARLAC- NAGSAGAWA ng Community Outreach Program ang Tarlac Provincial Police Office sa pamumuno ni PRO3 Regional Director BGen. Cesar Pasiwen na may temang “Life is Beautiful, Kaligtasan Mo Sagot Ko!” para sa Indigenous Peoples na Aetas.
Ito ang isinagawa matapos ang pagbisita at pakikipagpulong sa mga miyembro ng Tarlac Provincial Police Office.
Personal na iniabot ni Pasiwen ang tsinelas sa mga katutubo katuwang ang Foreign National Keepers Network na pinamumunuan ni Ms. Tara Bunch at Mr. Mandeep Singh.
Samantala, suportado naman ni Gobernor Susan Yap ang hakbang ng opisyal para makatulong sa mga miyembro ng IPs sa Gitnang Luzon. THONY ARCENAL
