CAMP AGUINALDO – NASA alert mode pa rin ang Armed Forces of the Philippines (AFP) at Philippine National Police (PNP) kahit pa naglatag ng unilateral ceasefire ang Communist Party of the Philippines (CPP) para sa panahon ng Kapaskuhan.
Una nang inihayag ni Defense Secretary Delfin Lorenzana na hindi niya irerekomenda para sa AFP na magpatupad ng temporary ceasefire dahil posibleng pabor lamang ang tigil-putukan sa mga rebelde at naniniwalang nais lamang ng mga ito na malaya nilang magawa ang selebrasyon sa kanilang ika-50 anibersaryo sa Disyembre 26.
Tiniyak ni AFP Public Information Office chief Col. Noel Detoyato, mananatiling naka-alerto ang kanilang tropa kahit pa sabihin ng CPP-NPA na may pina-iiral silang ceasefire dahil lagi namang hindi nakatutupad sa kanilang salita ang mga komunistang rebelde.
Kaugnay nito inihayag ni Lorenzana na nakahanda ang gobyerno na bigyan ng magandang pamasko ang mga rebeldeng magbabalik-loob sa panahon ng kanilang ceasefire. VERLIN RUIZ
Related posts:
(Ceasefire ng mga ‘Red’ pansarili at para lang sa kanilang anibersaryo) DND-AFP CHRISTMAS WISH: MAIGTING NA BALIK-LOOB PROGRAM
PNP TATALIMA SA TIGIL-PUTUKAN
15-DAY NATIONWIDE CEASEFIRE OK SA PEACE NEGOTIATORS
NPA AGAD LUMABAG SA CEASEFIRE –AFP
(Makaraang tapusin ng CPP-NPA-NDF ang ceasefire) PNP NAKA-FULL ALERT
(Kahit walang ceasefire) MAGBABALIK-LOOB NA NPA TATANGGAPIN
Comments are closed.