CAMP AGUINALDO – NAIGAWAD na kay Armed Forces of the Philippines (AFP) chief of staff Gen. Noel Clement ang kaniyang ikaapat na estrella.
Ang “donning of ranks ceremony” ay pinangunahan ni DND Undersecretary Cardozo Luna na ginawa noong Miyerkoles, Ok-tubre 30, sa Department of National Defense sa Camp Aguinaldo.
Kasama sa seremonya ang maybahay ni Gen. Clement na si Ms. Geraldine Anne, at ang kanilang dalawang anak.
Sinaksihan ni AFP Vice Chief of Staff, Vice Admiral Gaudencio Collado, Jr. at mga commander ng AFP Major Services at AFP Southern Luzon Command ang seremonya.
Ang pag-angat ng ranggo mula sa Lt. General sa Full General ni Clement ay mahigit isang buwan pagkatapos siyang pormal na manungkulan bilang AFP chief noong Setyembre 24. REA SARMIENTO
