AFP CHIEF NAGPAALAM NA

NAGSIMULA nang magpaalam sa buong hanay ng hukbong sandatahan si outgoing AFP Chief of Staff Gen. Carlito Galvez  sa pagdalo nito sa kaniyang kahuli-hulihang flag raising cere­mony sa Kampo Aguinaldo kahapon.

Sa kaniyang mensahe ay  nagpasalamat si Galvez sa lahat ng mga sundalo  sa lahat ng yunit: Army, Navy, Air Force at Marines gayundin sa mga civilian personnel ng AFP dahil sa walang sawang paglilingkod sa loob ng kaniyang walong buwang panunungkulan bilang ika-50  AFP Chief of Staff.

Sinabi ng heneral  na na­ging  kontento siya sa kaniyang mga nagawa sa Sandatahang Lakas.

Binigyang pagkilala ni Galvez ang matataas na opisyal ng AFP sa kanilang natatangi at hindi matatawarang paglilingkod sa bayan.

Si Galvez ay nakatakdang  italaga ni Pangulong Duterte  na susunod na Presidential Adviser on the Peace Process kapalit ng nagbitiw na si Jesus Dureza.