CAMP AGUINALDO – INAMIN ng isang military doctor ng Armed Forces of the Philippines (AFP) na may mga sundalo at mga kaanak nila ang binabantayan dahil sa posibilidad na nalantad o ‘contact’ sa 2019 Novel Coronavirus-Acute Respiratory Disease.
Sinabi ni Capt. Sherwin Joseph Sarmiento, AFP Health Service Command- Public Affairs Office chief na may mga sundalo at kamag-anak nila ang naka- confine/quarantine sa V. Luna Hospital.
Kina-kategorya aniya ang mga ito na person under monitoring o PUM dahil nagmula sila sa mga bansang ina-identify ng Department of Health na mga critical areas sa nCoV gaya ng China, Hong Kong at Macau.
Habang may mga sundalo rin umano at mga kamag-anak nila ang tinaguriang person under investigation (PUI) dahil bukod sa galing din sila sa mga identify areas ng DOH gaya ng Hong Kong, Macau at China ay kasalukuyan silang may sipon, ubo, dumaraing ng paninikip o hirap na paghinga at lagnat.
Tumanggi naman si Sarmiento na tukuyin kung ilang sundalo o pamilya nila ang kasalukuyang binabantayan ngayon sa kanilang isolation o infec-tious ward ng nasabing ospital na nakahiwalay sa main building.
Ang mga ito ay mga kinatawan ng AFP at DND sa mga bansa, mga military attache, mga opisyal o sundalo na dumadalo ng seminar, exchange students na nag-aaral sa nabanggit na mga bansa.
Una nang inihayag ni Dr. Melay Turao na may mga sundalo na naka-confine ngayon sa kanilang infectious ward. VERLIN RUIZ
Related posts:
OBRERO SINALUDUHAN NG AFP AT PNP SA ARAW NG PAGGAWA
AFP NAMIMILI NA NG BAGONG CHIEF OF STAFF
KARAPATAN NG MGA TUTOL SA ANTI-TERROR ACT RESPETADO-AFP
BAGONG RETIREMENT BENEFITS APRUB SA AFP
ARMY CHIEF GEN. GAPAY SUSUNOD NA AFP CHIEF OF STAFF
AFP NAGHAHANDA NA SA ANTI-COVID-19 VACCINE DISTRIBUTION
(Bagong AFP Chief of Staff umupo na) GAPAY HANDANG SUMABAY SA NEW NORMAL VS TERORISMO
(Reinforcement ng PNP at AFP) BARANGAY POWER KONTRA COVID-19
Comments are closed.