PASOK sa piitan ang aktor na anak ni Bembol Roco, kasama ang apat nang kumagat sa ikinasang buy-bust operation ng mga awtoridad sa Quezon City kahapon ng madaling araw.
Kinilala ni Quezon City Police District (QCPD) QCPD Director BGen. Nicolas Torre III ang aktor na si Dominic Roco, 33-anyos; mga kasamang sina Reynaldo Sanchez, 45-anyos; Eugene Marvin Tolentino, 27-anyos; Renz Anthony Cruz, 33-anyos, at Dexie Diamante, 21-anyos.
Ayon kay Holy Spirit Police Station 14 commander Lt. Col. Alex Alberto, dakong ala-1:20 ng madaling araw nang isagawa ang drug operation sa Barangay Holy Spirit Q.C.
Isang pulis ang bumili ng shabu at nang magkaabutan dito na dinakma ang mga suspek.
Nakuha mula sa mga suspek ang shabu na nagkakahalaga ng P112,000.00, marijuana ‘kush na nasa P14,000.00, weighing scale at buy-bust money.
Inihahanda na ang kasong paglabag sa RA9165 o ang Comprehesive Dangerous Drug Act of 200 laban sa aktor at sa apat pa niyang kasama.
“We will remain steadfast and exert our best efforts in our fight against criminalities as well as we protect and maintain respect for human rights, even of those who criminalize themselves,” pahayag ni PBGEN Jonnel C Estomo, Regional Director ng National Capital Region Police Office (NCRPO). EVELYN GARCIA