ALDEN AT MAINE SUPORTADO NG MGA INIINDORSONG PRODUKTO PARA SA MGA MANGGAGAWA

PAREHONG nag-post sina Alden Richards at Maine Mendoza ng tulong na ibinigay sa kanila ng ini-endorse nilang mga produkto ng Century Pacific Food (CPF) para sa mga apektadong mga manggagawa.

Si Alden ay endorser ng Century Tuna at nangako ang company na hindi mawawala sa tindahan ang mga produkto nila.  Magdu-donate din sila ng 1 million packs ng ulam at fortified milk sa national government at partner LGUs (local government units).  Magpo-provide din sila sa kanilang mga empleyado ng Care and financial aid at sinisiguro rin nilang ang kanilang produkto ay laging available sa mga mamimili.

Endorser naman si Maine ng mga produktong may tatak na 555, Sardines, Spanish Sardines at Fried Sardines.  Kung ano ang provisions na ibinigay nila kay Alden para sa Century Tuna sa pag-tulong nila, iyon din ang ibinigay nilang provisions kay Maine.

 

CARLO GONZALES AT LUANE DY SABIK NANG MAKITA ANG FIRST BABY

           LOOKING forward na ang mag-asawang Carlo Gonzales at Luane Dy sa nalalapit na pagsilang ng kanilang baby boy on May 1.  Nag-post si Luane ng maternity shoot nila ni Carlo with a caption: “Excited to meet this little person who is half me and half the one I love.”

Medyo worried din si Luane sa nalalapit niyang pagsisilang dahil nga sa kasalukuyang kalagayan ng bansa natin. Mabuti na raw lamang at kahit sa telepono ay natsi-check up siya ng kanyang OB-Gyne.  Dasal niyang bago ang kanyang pagsisilang ay tapos na ang pandemic na ito.  On maternity leave na si Luane sa “Unang Hirit” at si Carlo naman ay stop din muna ang taping ng “Descendants of the Sun Ph.

 

PANCHO MAGNO AT MAX COLLINS LALAKI ANG MAGIGING PANGANAY

BABY boy din ang first baby ng mag-asawang Pancho Magno at Max Collins.  Halata ang nerbyos ni Pancho nang gawin nila ang gender reveal sa kanilang YouTube channel ni Max. Nang si Max naman ang tinanong kung ano naramdaman niya ngayong nalaman na nilang baby boy ang isisilang niya, sagot niya: “I knew it, a baby boy!”

Stay at home lamang ang mag-asawa at inihahanda na nila ang magiging room ng isisilang niya.  Tamang-tama naman dahil stop muna ang taping ng family light drama series ni Pancho, ang “First Yaya” with Marian Rivera at Gabby Concepcion.