ALDEN RICHARDS ‘DI NAITAGO ANG TUWA SA PAPURI NI DIREK CATHY GARCIA-MOLINA

HINDI naitago ni Alden Ri­chards ang kasiyahan nang purihin siya ni direk Cathy Garcia-Molina na siyang nagdirek ng movie nila ni Kathryn Bernardo under Star Cinema.

Sinabi kasi ni Direk Cathy na napakarami na niyang nakatrabahong actor na mababait at magagaling at isa nga raw rito si Alden.

Ayon pa kay Direk Cathy, nang sabihin daw sa kanya ang pangalan ni Alden para maging leading man ni Kathryn sa movie kanyang ididirek, nakita raw niya agad na mukhang marunong umarte si Alden kahit hindi pa niya alam kung paano ito magtrabaho  that time at hindi pa rin niya ito napanonood.

“Sabi  ko, `hmm, mataba lang, pero mukhang marunong umarte itong  batang `to.` Nagkamali  ako. Hindi siya marunong. Magaling siya. At napakabait na tao,” pahayag ni direk Cathy.

Sa sobrang touched ni Alden ay mangiyak-ngiyak itong  lumapit  at lumuhod na niyakap si Direk.

Nang makausap ng i­lang press si Alden ay muli nitong sinabi na sob­rang touched siya sa sinabi sa kanya ni Direk Cathy.

“Coming from Direk Cathy, sobra akong na-move, na-touch. Na parang hindi ko akalain na ganu’n  ‘yung magiging  effect ko kay Direk while  doing this film, and si­guro ganu’n  naman talaga, you just be yourself and let other people speak for you,” say ni Alden.

Ipinagtapat  din ni Alden na bago raw siya na­ging artista ay big fan siya ng mga Cathy Garcia-Molina films. Pinapanood niya ang mga movie na idinidirek nito at special mention nga niya ang One More Chance nina John Lloyd Cruz at Bea Alonzo.

“Parang  ano po `to, eh, dream come true for me. Pinangarap ko po talaga na makaarte  sa camera ni direk Cathy kasi fan po ako ng mga pelikula niya.”

Naikuwento rin ni Alden na noong 14 years old pa lang siya ay nakapasok siya sa bakuran ng ABS- CBN para mag-audition sa mga reality shows ng network.

“Pero ngayon, doing a project with Star Cinema and being here in ABS, medyo parang overwhelmed, parang naninibago. Siyempre, hindi ko po in-expect na magiging possible na ang isang GMA actor ay makakatapak sa ABS- CBN.

“And  I`m really thankful for the opportunity given to me especially to GMA for letting me to do this film. Masaya po ako,” say ni Alden.

Kung nagkataon pala na nakapasa siya sa mga audition na sinalihan niyang reality show sa bakuran ng ABS-CBN ay isa siyang Kapamilya at hindi  isang Kapuso.

MEGAN YOUNG NABIKTIMA NG FOOD POISONING

KAYA NA-MISS ANG PANAYAM NG SERYE

MAY sakit daw si Megan Young kaya hindi nakarating sa presscon ng serye niya sa GMA 7.

Sa Instagram story ni Megan naikuwento niya na talagang na-miss niya ang ginanap na presscon at nanghihinayang siya dahil gustong-gusto nga raw niya sanang ikuwento ang kanyang kakaibang role na gagampanan.

“Can`t  wait  for our show “Hanggang Sa Dulo Ng Buhay Ko” to air on GMA Afternoon Prime. Wasn’t  able  to make it to our  mediacon because I had food poisoning,” say ni Megan na may emoticon pa na umiiyak.

Tila nauuso ang food poisoning. Ganoon din ang nangyari sa party ni Madam Imelda Marcos na kung saan diumano ay nalason ang mga bisita sa pagkain. At ngayon naman ay si Megan.

Hindi lang malinaw kung sa isang party nagpunta si Megan at na-food poisoning din siya.

Samantala, sa isang interview kay Megan ay ipinagdiinan nito na hindi pa nila pinag-uusapan ng boyfriend na si Mikael Daez ang tungkol sa pagpapakasal.

Happy raw sila sa nangyayari sa kanilang buhay at ini-enjoy lang nila ang magagandang araw na magkasama sila.