ALDEN RICHARDS PASABOG LAHAT NG ACTION PERFORMANCES SA KANYANG CONCERT

CONGRATULATIONS to Pambansang Bae Alden Richards sa very successful and sold-out #AldenAdrenalineRush concert sa Kia Theatre last Friday, September 21.  Talagang tumaas ang adrenaline hindi lamang ni Alden kundi ng audience dahil pasabog lahat ng action kung action performances niya na sakay siya ng sports car nang dumating sa Kia Theatre.

Gumamit din siya ng harness nang umakyat siya ng mataas na building at sa gitna ng stage bumaba.  Sakay din siya ng motorcycle nang pumasok sa stage para sa isang number.  Kasunod na ang number niya with Ex-Battalion, One Up, Betong Sumaya at may pasilip siya ng abs, sa dance number nila nina Ruru Madrid at Rodjun Cruz.

Naging emotional si Alden nang kantahin niya ang “I Will Be Here” single niya sa new album niyang “Until I See You Again” na background ang shoot nila sa mga lolo at lola sa isang home for the aged.  Malapit daw siya sa mga elderly at naalaala niya ang kanyang Lola Linda at Lolo Danny.

Tilian ang fans sa isang portion ng show na dedicated ni Alden sa AlDub Nation (ADN) fans nila ng ka-love team na si Maine Mendoza.  Kinanta niya ang mga song na malapit sa mga puso nila like “Wish I May” at “God Gave Me You.”

Nagpasalamat si Alden kay Comedy Concert Queen Ai Ai delas Alas na kahit daw puwede namang walang rehearsal ay nag-rehearse pa, sa pagkanta nila ng Aegis songs.

Si Asia’s Songbird Regine Velasquez-Alcasid ay nagkuwento na simula nang makilala niya si Alden noong bago pa lamang ito sa GMA, mabait na at hanggang sa ngayon ay hindi nagbabago ang ugali. Hindi nalimutang ikuwento ni Regine na malaki ang utang na loob nila ng kanyang family kina Alden at Maine.  Ang AlDub daw ang dahilan kaya nakapag-move on ang Mommy Tes niya after pumanaw ang tatay Gerry niya four years ago.  Sa pano­nood daw nito sa “Eat Bulaga,” bumalik ang saya nito. Kaya sabi ni Regine, huwag daw sanang magbabago sina Alden at Maine dahil kasiyahan sila ng tulad ng Mommy niya.  Promise ni Alden hindi sila magbabago ni Maine sa pagbibigay ng saya sa lahat.

Nagpasalamat si Alden sa lahat ng sumuporta at nanood ng concert niya sa Kia Theatre.

PERSONALIZED LIPSTICK NI MAINE SOLD OUT AGAD SA LAHAT NG TINDAHAN

GRABE ang personalized lipstick na ginawa ni phenomenal star Maine Mendoza for MAC, na sa dalawang launch nito last September 19 at 21, ay sold out agad one minute pa lamang after i-launch.

Noong Setyembre 19 ay ini-launch ito ng Lazada online at wala pang one minute ay sold out na agad ito.  Last Saturday, September 22, ay may launch sila na umaga pa lamang ay ginanap na sa SM Megamall, pero bago raw nagtanghali, sold na ito pero marami pa raw nakapila hoping na may mabibili pa sila dahil may mall show si Maine after niya sa “Eat Bulaga.”

Kaya nag-post na lamang si Maine na kung wala silang nabili, may launch pa sila sa Trinoma store ng MAC sa September 29, at sa SM Mall of Asia sa October 5. Pagkatapos ay magkakaroon na nito sa lahat ng MAC stores sa Filipinas.