ALERT LEVEL 4 ITINAAS SA TRIPOLI

ITINAAS na ng Depart ment of Foreign Affairs (DFA) ang Alert Level 4 sa Tripoli, Libya at mga kalapit nitong lugar dahil sa kaguluhan doon.

Ayon kay Foreign Affairs Secretary Teodoro Locsin Jr.,  itinataas ang Alert Level 4 sa Tripoli at sa 100 kilometro  sa palibot nito.

Mangangahulugan ng pagpapatupad ng mandatory evacuation para sa mga Pinoy sa nasabing bansa ang Alert Level 4.

Sa kabila nito ay may mga Pinoy pa rin  ang ayaw magsiuwi dahil sa pangamba na wala silang madadatnang trabaho sa  bansa.

Sinabi ni Locsin  na  hindi pa rin  mapupwersa ang mga OFW sa  Tripoli na lumikas.

Mananatili  ang mga tauhan ng DFA sa lugar hanggang sa mapauwi ang pinakahuling Pinoy na nasa nasabing magulong bansa.

Mahigit sa  1,000  OFW  ang kasalukuyang nasa Libya.

Kamakailan ay dalawang Pinoy na ang iniulat na sugatan sa pag-atake sa ilang hospitals at residential areas malapit sa Tripoli.