ALEX GONZAGA MAY 2 NEGOSYO NA TULOY SA PAGLAGO

MULA sa pagi­ging TV host at artista ay kabilang din si Alex Gonzaga sa tinitingalang celebrity vloggers. Ang edge ni Alex sa kapwa vloggers ay bukod sa kanyang pagiging jolly and funny ay very entertaining ang videos na mapanonood sa kanyang vlog na madalas ay million ang views.

Nasa almost 5 million na rin ang subscribers ni Alex at nasa year 2 na ang kanyang Vlog. Isa na rin siya sa itinuturing na influencer ngayon sa social media kaya pinag-aagawan siya ng advertisers. Puwede nang bansagang “Commercial Princess” si Alex sa pagiging endorser nito ng kaliwa’t-kanang mga produkto.

Yes, siya na ang pumalit kay Bea Alonzo na matagal na naging ambassador ng bag company. ‘Yung dalawang negosyo naman ng actress/comedienne/host na kasosyo ang kanyang pamilya na Happy Cup at Khaleb Shawarma ay patuloy ngayon sa paglago. Plano pang magtayo ni Alex ng iba pang negosyo kasama naman ang boyfriend na si Mikee Morada na councilor sa Lipa City, Batangas. May movie rin si Alex sa Viva Films kung saan si Xian Lim ang kanyang ka-partner at consistent ring mataas ang ratings ng “Home Sweetie Home: Extra Sweet” ng Ateng na si Toni Gonzaga. Patok pa rin hanggang ngayon sa YouTube ang kanyang danceable song na “Chambe na mayroon nang 27 million views and still counting.

‘THE HEIRESS’ MAS NAKAKATAKOT KAYSA SA  HOLLYWOOD HORROR MOVIES

MARAMING Pinoy ang mahilig sa horror movies, at kung kasing tapang niyo sila ay samahan silang manood ng “The Heiress” at talagang titili kayo at sisigaw sa mga eksena ni Maricel Soriano bilang si Auntie Luna, na sa pamamagitan ng barang ay pinatay ng brutal si Sunshine Cruz dahil ayaw pumayag na ipasa sa anak nitong si Guia (Janella Salvador) ang kapangyarihan ni Luna bilang mambabarang.

Yes tatahi-tahimik ang character dito ni Maria pero buong pelikula ay mananakot siya. Ang tindi rin ng dating ng Mamalarang sa pelikula na nagtataglay ng bad spirit at kayang maniobrahin ang mambabarang na manakit o pumatay ng tao. Mahusay rin si McCoy de Leon bilang si Renz na love interest ni Janella.

Ang pinaka-highlight ng movie ay ang labanan o sagupaan nina Maricel at Janella at kung sino sa masama at mabuti ang siyang mananaig? Nakamamangha ang The Heiress na mas nakakatakot pa compared sa ibang Hollywood horror movies. Ang husay ni Direk Frasco Mortiz.

SELFIE WITH MAGGI PUWEDENG MANALO NG P10K EACH

SA loob ng sampung minuto ay puwede niyong gayahin ang iba’t ibang pose at selfie ng EB Dabarkads kasamang paborito ng bayan na Maggi Magic Sarap. Tulad noong isang araw, sa ulo ni Wally inilagay ang Magic Sarap, kaya ito ang ginaya ng mga sumaling Dabarkads. At kapag nagawa niyo nang mag-selfie ay post mo agad sa Official Facebook Fan Page ng Eat Bulaga at manood araw-araw at baka isa ka sa apat na puwedeng manalo ng P10k each.

Ito ang pakontes na walang kahirap-hirap ang mechanics, imagine nasa bahay ka lang basta may Maggi Magic Sarap ay welcome ka ng mag-join at bida ka pa sa FB ng Bulaga.