ALEXANDER LEE BALIK-MANILA; BAGONG IMAGE AT MAY BAONG SINGLE

NAGBALIK-PINAS kamakailan lamang ang GMA resident artist oppa na si Alexander Lee para buhaying muli ang kanyang pagmamahal sa musika, at dahil dito, may baon si Xander na single handog sa kanyang fans.

He is currently promoting his new single kasama ang kapwa Korean singer na si Marucci. Tinawag na AXM ang kanilang collaboration at gagawa sila ng mga kantang magbibigay-inspirasyon at magpapasaya sa kanilang followers.

Sa isang mediacon, nagpatikim si Alexander ng kanyang latest project at ipi­nakita ang music video nila ni  Marucci at nag-perform pa kasama ang Kapuso actress na si Rita Daniela, na personally handpicked ni Marucci at Alexander. Ayon kina Alexander at Marucci, iikot sila sa key cities sa Pinas para mag-promote ng kanilang single.

Nag-post pa nga ito sa kanyang social media account, “The reason why I’m in the Philippines: Music collaboration project <AXM> (Alexander X Marucci). “Keep Ya Head Up” – a song with meanings behind… a song to cheer you up… a song to comfort you. Never thought I’ll be doing music again… Hope you’ll like it. Love y’all.”

Agad namang nagpahayag ng suporta ang kanyang fans. Excited silang mapakinggan at mapanood ang music video nina Alexander at Marucci.

Hindi matatawaran ang pagmamahal ni Alexander sa Filipinas kaya naman madali siyang napalapit sa puso ng mga Filipino. Ayon sa kanya, marami siyang na-miss sa Filipinas noong bumalik siya ng Korea matapos ang soap nila ni Heart Evangelista na My Korean Jagiya.

Maaaring mapakinggan at ma-download ang ‘Keep Ya Head Up’ sa Me­lon, iTunes, Spotify, Mnet at iba pang leading music sites worldwide.