ALICE GUO IIMBITAHIN PA RIN SA SENADO

Iginiit ni Senator Risa Hontiveros na iimbitahan pa rin si Alice Guo o Guo Hua Ping sa  pagdinig sa Senado sa Philippine Offshore Gaming Operators (Pogos).

Sa Kapihan sa Senado, sinabi ni Hontiveros na si Guo at ang kanyang co-accused na si Cassandra Li Ong ay iimbitahan pa rin niya sa pagdinig ng POGO.

“Kabilang pa rin po si Guo Hua Ping at yung iba niyang mga co-accused sina Cassandra Li Ong. And of course, Tony Yang mula sa Cagayan de Oro, POGO Hub at yung mag-ama na naaresto naman dun sa Cebu Pogo hub,” ani Hontiveros.

Sinabi rin ng senadora na “tie up the loose ends” ng kanyang komite ang huling pagdinig.

“Balak po namin i-tie up yung loose ends na nabitin pa nu’ng nakaraang hearing. Yung mga explosive na revelations dun sa Al Jazeera interview na finollow up po ng aming Zoom interview dun sa isang nakasama ni She Zhijiang dun sa bilangguan sa Thailand. At syempre, yung ding misteryosong persona ni Mary Ann Maslog,”  aniya.

Nahaharap si Guo sa patong-patong na kaso dahil sa umano’y pagkakasangkot sa ilegal na Pogo.

LIZA SORIANO