MGA kasong money laundering ang isinampa nitong Biyernes sa Department of Justice (DoJ) laban kay dismissed Bamban, Tarlac Mayor Alice Guo, kasama ang kapatid nitong si Shiela Guo, Cassandra Ong at mahigit 30 iba pa.
Kahon-kahong dokumento ng reklamo ang dinala sa DOJ.
Pinangunahan ng National Bureau of Investigation (NBI), Presidential Anti-Organized Crime Commission (PAOCC) at Anti-Money Laundering Council (AMLC) ang pagsusumite ng 87 counts ng mga kaso kaugnay Sq usapin sa mga transaksyon nina Guo at iba pang personalidad sa Hongsheng Gaming Technology, Baofu Land Development Inc., at Zun Yuan Technology Inc.
Ayon kay DOJ Undersecretary Nicholas Felix Ty, hindi nakapasok sa pamantayan si Shiela Guo upang maging testigo, dahil ito mismo ay may malaking role sa mga ilegal na aktibidad.
Maging si Justice Secretary Jesus Crispin Remulla ay nagpahayag ng pagdududa sa katotohanan ng mga testimonya ni Shiela nang humarap ito sa mga senador kamakailan.
Nauna nang naglabas ang Court of Appeals (CA) ng freeze order sa mga bank accounts at iba pang assets ng sinibak na alkalde, makaraang akusahang sangkot sa operasyon ng POGO sa kanyang bayan.
Patuloy na tinutugis ng mga awtoridad ang dating mayor na hinihinalang nasa Indonesia.
PMRT
Related posts:
GUO NASA PINAS PA – DOJ
TUMULONG KINA GUO TUKOY NA
373 PINOY SA SINALAKAY NA POGO HUB PINALAYA
ILANG TARLAC OFFICIALS NA SANGKOT SA POGO IIMBESTIGAHAN
ALKALDE ITINANGGING POGO OPERATOR
(Kagawaran pinuri sa nakitang merito sa reklamo) FIL-CHINESE ‘TINULUYAN’ NG DOJ
Mayor Guo nagsalita na: Masakit sa akin ang ibunyag sa Senado na anak ako ni daddy sa aming kasambahay
BONG GO SUPPORTS MOVE TO BAN POGOs