PASADO na sa ikatlo at huling pagbasa sa Mababang Kapulungan ng Kongreso ang panukalang nagbibigay ng amnestiya sa unpaid loan interests ng mga magsasaka, mangingisda at agrarian reform beneficiaries sa pamamagitan ng government lending programs.
Sa botong 209-0, inaprubahan ng Kamara ang House Bill 5083 o ang panukalang Agrarian and Agricultural Loan Restructuring and Condonation Act na naglalayong pabilisin ang reintegration ng financial at bank standing ng mga magsasaka, mangingisda at agrarian reform beneficiaries, at bigyan sila ng access sa mga bago at karagdagang credit programs ng pamahalaan.
Itinatakda ng bill ang condonation ng unpaid interests, penalties at surcharges sa mga inutang ng nasabing mga benepisyaryo mula sa Department of Agrarian Reform (DAR), Department of Agriculture (DA), People’s Credit and Finance Corporation (PCFC), Cooperative Development Authority (CDA), National Food Authority (NFA) at Quedan and Rural Credit Guarantee Corporation (QUEDANCOR).
Ayon kay COOP-NATTCO party-list Rep. Sabiniano Canama, may akda ng bill, ang mga magsasaka at agrarian reform beneficiaries ay dapat ituring na katuwang sa pagpapaunlad ng bansa.
“It is therefore imperative upon us to take an overwhelming care and attention by condoning these interests that burdened the debt,” sabi ni Canama.
Related posts:
P160-M AYUDA SA FARMERS, FISHERFOLK
(Dahil sa COVID-19) BAYAD UTANG NG FARMERS TIGIL MUNA
(‘Di opsiyon sa pagtugon sa COVID-19 emergency – Palasyo) DEBT PAYMENT MORATORIUM IBINASURA
5K AYUDA SA RICE FARMERS IPAMAMAHAGI NA
ZERO-INTEREST LOANS SA FARMERS, SMALL BIZ
P145.5-B PRODUCTION SUBSIDY SA FARMERS, FISHERFOLK HINILING
UTANG NG PH PUMALO SA P1.22-T SA UNANG 4 NA BUWAN
UTANG NG FARMERS ILIBRE NA LANG PARA SAPAT ANG SUPLAY NG PAGKAIN NGAYONG PANDEMYA
Comments are closed.