ANG ONE HOSPITAL COMMAND CENTER

ISANG 60 years old na lalaki, nahihirapan humi­nga; isang sanggol, nagtatae, mahina ang pag-iyak; buntis na malapit na manganak – ilan ito sa mga senar­yo na ating nadidinig o nakikita ngayong pandemya na nahihirapang maghanap ng hospital na tatanggap sa kanila.

Matagal na natin nararanasan ang mga ganitong sitwasyon kung saan ang mga pasyente ay nag hospital hopping or paikot ikot sa lugar upang makahanap lang ng hospital kung saan sila ma-admit. Maaaring dahil sa dami ng pas­yente o kakulangan ng kama o sa ibang kadahilanan.

Nuong Hulyo ng nakaraang taon, binuo ang konseptong naglalayon na tumugon sa pangangailangan ng komunidad na makahanap ng naaayong facility para ma-admit. Sa pamumuno ng treatment czar, Undersecretary Leopoldo “Bong” Vega at suporta ng Department of Health at ng National Task Force (NTF) Against CO­VID-19, nabuo ang One Hospital Command Cen­ter (OHCC).

Nagsimula ang OHCC sa Sports Complex ng Metropolitan Manila Development Authori­ty (MMDA). Kasama ang mga volunteers and staff ng MMDA, Base and Conversation and Development Authority (BCDA) at Department of Tou­rism (DOT), nagkaroon ng mas organisadong proseso sa pagresponde sa mga COVID-19 cases at pagtanggap ng pas­yente sa mga facility. Sa kasalukuyan, lumipat na ang OHCC sa isang hall ng Philippine International Convention Cen­ter (PICC).

Paano macontact ang OHCC? Maraming pa­raan upang ma-contact ang OHCC. Una, sa mga hotline 09157777777, 09199773333, 028650500 or DOH COVID hotline 1555. Maaari din gamitin ang PureForce Citizen app na pwede idownload ng libre para makapag report. Isa rin sa plano ng OHCC ang magkaron ng single hotline para mas mabilis matawagan ng mamamayan.

Ilan sa mga serbisyo na pwedeng ma-facilitate ng OHCC ay maghanap ng facility para sa isolation/quarantine, RT-PCR test, hospital admission, ambulance request, at financial assistance requests katulong ang malasakit cen­ter. Katulong din ng mga iba’t ibang go­vernment agencies at units, sinusubukan ng OHCC na matugunan ang medical needs ng pasyente.

Isa din serbisyo na available sa OHCC ay ang teleconsultation. Kasama ang mga doctors galing sa ilan sa mga DOH retained hospitals, inilunsad ang program nuong June 2021. Sa kasalukuyan, maaaring mag avail ng teleconsultation servi­ces mula 8am hanggang 5pm.

Patuloy ang pag-improve ng serbisyo sa OHCC sa pamamagitan ng pag-hire ng mas mada­ming coordinators at pag establish ng mga Regional OHCC, at magmo­dernize ng teknolohiya. Makikisuguro ang lahat na ang layunin ng OHCC ay mananatiling para sa serbisyo sa ating bansa. Ngayong Aug 06, 2021, ang OHCC ay nagcecelebrate ng 1st year anniversary simula ng official inauguration. Isang pagpupugay para sa inyong kabayanihan at tulong sa ating bansa upang matapos na ang pan­demyang ito.

Related posts:

MAY COVID KA NA NGA, PAHIHIRAPAN KA PA NG P1K/HOUR SA HOSPITAL TENT? (Aprub sa DOT) TEMPORARY COVID HOSPITALS SA TOURISM SITES CASH ALLOWANCE SA PUBLIC HOSPITAL EMPLOYEES FACTORY, LABOR SECTOR MATATAG SA KABILA NG KRISIS SA COVID-2019 55 COVID-RELATED PRODUCT MAKERS INTERESADONG MAG-INVEST SA PINAS HOSPITAL BED CAPACITY ITAAS SA 70% (Utos ng DOH parasa COVID patients) VIRTUAL BANKING ACT SUPORTADO NG BSP BENTAHAN NG TUYO AT TINAPA HUMINA