DAHIL sa sobrang gigil sa kanilang iniidolong action superstar na si Coco Martin ay hindi na napiligilan ang mga tao nang ito ay dumugin habang nasa isang rally sa lalawigan ng Bohol upang ikampanya ang #54 Ang Probinsyano Partylist.
Nagkaroon ng maliit na galos ang kanang pisngi ni Coco matapos akyatin at pilit siyang hawakan ng naghihiyawang fans habang sumasayaw at kumakanta ito sa entablado sa Dauis Gymanasium sa Bohol.
Bagama’t may mga nakatalaga namang security at hindi na nila nakayanan ang daluyong ng taong sumugod upang mahawakan ang kanilang idolo na siyang pangunanahing nagtataguyod sa #54Ang Probinsyano Partylist.
Ngunit sa halip na magalit dahil sa pangyayari ay hindi ito inalintana ni Coco at ipinapatuloy ang kanyang performance upang matiyak na masaya ang mga libo-libo niyang fans at masigurado ang kanilang boto para sa #54 Ang Probinsyano Partylist.
Mula Dauis ay nagtungo si Coco kasama ang mga kinatawan ng #54 Ang Probinsyano Partylist sa Bohol Wisdom School Gymnasium sa Tagbilaran City para sa kasunod na malaking rally na inorganisa ng nangungunang kandidato sa pagka-gobernador na si Bohol Rep. Arthur Yap at Bohol Gov. Edgar Chatto na tumatakbo naman bilang kongresista.
Punong-puno rin ng tao at mainit ang pagtanggap kay Coco at sa #54 Ang Probinsyano sa isinagawang rally sa Maribujoc Cul-tural Center at sa kalapit na Balilihan Gymnasium.
Mula sa isla ng Bohol ay lumipad si Coco at mga kinatawan ng #54 Ang Probinsyano sa Camotes Island at nagulat ang grupo sa dami ng taong dumagsa sa bayan ng San Fracisco, Cebu upang masilayan ang grupo.
Sa rami ng taong dumalo sa rally ay nagmistulang dagat ng tao ang malawak na Agora field sa naturang bayan dahil halos lahat na yata ng mga residente sa isla ay nagtungo roon upang masilayan si Coco at ang #54 Ang Probinsyano partylist.
Naging mala-teleserye naman ang kinalabasan ng pagtatagpo ni Coco at ng co-star nitong si Yassi Pressman sa siyudad ng Danao para sa isa pang dambuhalang rally. Dumadagundong ang tili at hiyawan ng mga tao habang nagdu-duet ang dalawa sikat na endorser ng #54 Ang Probinsyano Partylist.
Comments are closed.