PARAÑAQUE CITY – ARESTADO ang anim na drug pushers, apat dito na itinuturing na high value target (hvt), sa magkakahiwalay na buy bust operation kamakalawa sa lungsod na ito at nakuhanan ang mga ito ng may mahigit sa P1.7-million halaga ng shabu.
Unang nasakote ng mga operatiba ng Parañaque Station Drug Enforcement Unit (SDEU) si Clarion sa kanyang bahay bandang alas-3:35 ng umaga kung saan nakuha sa kanya ang siyam na plastic sahets ng shabu na nakakahalaga ng P340,000 at ang P500 buy bust money.
Sa sumunod na buy bust operation ng SDEU bandang alas-4:35 ng umaga kamakalawa kung saan dalawa ang nadakip.
Magkasabay namang isinagawa ng SDEU ang kanilang buy bust operation dakong alas-5:40 ng umaga na nagdulot sa pagka-kaaresto sa tatlong iba pa.
Ang mga nakumpiskang ilegal na droga ay itinurn-over sa PNP Crime Laboratory para sumailalim sa chemical analysis samantalang ang mga suspek ay kasalukuyang nakapiit sa SDEU detention facility. MARIVIC FERNANDEZ
