PAMPANGA-ANIM na preso ang itinakbo sa pagamutan sa Angeles City sa hinalang biktima sila ng food poisoning .
Isinugod sa ospital nitong Martes ng tanghali ang anim na persons under police custody ng Angeles City Police Station 3 dahil sa pagkakalason umano mula sa kanilang kinain.
Ayon kay Police Col. Rommel Batangan, officer-in-charge ng Angeles City Police Office, dumaing ng pagkahilo at pananakit ng tiyan na may kasabay na pagsusuka at pagtatae ang 6 na preso matapos kumain ng pasalubong na litsong manok.
Pagdating sa Ospital ng Angeles City , lumabas sa pagsusuri ng mga doktor sa mga preso na nagkaroon sila ng acute gastroentiritis dulot ng kontaminadong pagkain.
Kasalukuyang pa ino-obserbahan ang mga preso na umano’y nagpapakita na pagbabago sa kanilang mga nararamdaman.
Hindi naman umano grabe ang kalagayan ng mga ito kaya ibinalik na sa custodial facility ng Police Station 3 ang mga preso matapos mabigyan ng gamot. VERLIN RUIZ
Comments are closed.