ANNE CURTIS NASUNTOK SA MUKHA; AKALA NALAGAS ANG NGIPIN

GRABE si Anne Curtis, nang mapanood namin ang full trailer ng “Buy Bust,” ng Viva Films at Reality Entertainment ni Dondon Monteverde.  Si Anne nga ba ang nag-a-action? But knowing direk Erik Matti hindi pupuwedeng hindi si Anne talaga ang gumanap doon.

“Nang tanggapin ko ang movie, talagang sinabi ko nang gagawin ko ang lahat dahil first time ako talagang mag-a-action,” kuwento ni Anne sa media conference.  “Big challenge sa akin talaga nang nagsimula na kaming mag-shooting may times na naiiyak na ako sa hirap pero pinigilan ko ang sarili ko. Gusto kong patunayan sa mga kasama ko na halos lahat lalaki, na kaya kong makipagsabayan sa kanila.

First time ko ring naranasang masuntok sa mukha na akala ko nabungi ako dahil narinig kong tumama sa ngipin ko, mabuti naman hindi, saka hindi naman sinasadya, nagkamali lamang ng tantiya sa pagsuntok sa akin.”

Ang “Buy Bust” shooting ay inabot ng two years dahil sa hirap daw ng mga eksena, minsan sa isang shooting day, isang eksena lamang ang naku-kunan ni Direk Erik. Pero tiyak na magugustuhan ito ng mga mahihilig sa action films dahil bida rin dito si ONE Championship heavyweight champion na si Brandon Vera na isang Filipino-American actor din.

JANINE GUTIERREZ  NA-BASH NANG LUMITAW NA LEADING LADY NI ALDEN     

IPINAGTANGGOL ng fans si Janine Gutierrez laban sa isang nang-bash na fan  matapos lumabas na siya ang leading lady ni Alden Richards sa action-drama –fantasy na “Victor Magtanggol” bilang ang field reporter na si Gwen Regalado na siyang nagko-cover ng mga adventure ni Victor.  Sabi ni @irongirl02 “user starlet gwen palibhasa mula sa broken family kaya hilig din manira ng iba.  Wait mo karma mo.”

Sagot ni Janine: @irongirl02 having separated parents doesn’t make you broken though. If anything, it makes you stronger.”

Ayun, dinumog na ang basher ng mga fans na nagsabing sila na lamang ang bahalang magtanggol kay Janine huwag daw itong mang-awat sa naninira sa kanya.  Nagpasalamat sila kay Janine sa pagtanggap nito sa “Victor Magtanggol” at promise nila, gabi-gabi nilang susubaybayan ito dahil gusto nilang makita ang mala-Lara Croft role nito na gagawa rin ng action scenes kasama ni Alden.

GET WELL SOON, BAEBY BASTE AND SAMSAM

GET well soon BaebyBaste and younger brother Samsam.  Hospitalized ang magkapatid na sabay na na-dengue kaya wala si Baste simula pa noong Monday, July 9, sa “Eat Bulaga.”  ‘Baby’ nina Alden Richards at Maine Mendoza sa EB, kaya madaling nakatawag kay Baste si Alden mula sa Japan at sinabihan sila ni Samsam na magpaga­ling.  Dumalaw din si Ruby Rodriguez at magkasama namang dumalaw si Maine at manager nitong si Rams David. Si Baebybaste ay contract star ng Triple A Talent Agency headed by Rams.