ANNE CURTIS SINUSUNOD ANG YAPAK NI SOLENN HEUSSAFF

EVERYBODY knows na proud na proud din si Solenn Heussaff ‘pag nasasabing wifezilla siya ni Nico Bolzico. As in, super kontrolado ni Solenn ang galit at lambing ng kanyang mister. Sabi pa nga ni Solenn, ‘pag nagtatampo ang kanyang asawa sa ginagawa niyang ‘kakulitan’ dito with matching post pa sa internet, ay agad-agad naman siyang naglalambing sa asawa. Ganun ang samahan ng mag-asawang Solenn at Nico.

Nang dumalo silang mag-asawa sa kasal ng kanilang matalik na kaibigan sa bansa ni Nico, sinama nina Solenn ang mag-asawang Erwan Heussaff at Anne Curtis. Napuna rin ni Solenn na tila pareho sila ng style ng paglalambing sa asawa, as in, isa rin wife­zilla si Anne kay Erwan. Lambing din agad to the max si Anne sa mister sa tuwinang kinukulit niya ito at nagtatampo. Eh sa totoong buhay, may kakulitan din naman itong si Anne at isa rin yan sa dahilan kung ba­kit siya minahal ni Erwan. Kinalakihan na kasi niya ito sa kapatid na si Solenn.

AI AI DELAS ALAS MAY NAMANANG SAKIT

MAY mga time na asiwa ang Kapuso actress na si Ai Ai Delas Alas na gawin ang isang eksena lalo na ‘yung parteng kailangan niyang magbabad sa tubig. Kailangan pa kasing pakiramdaman ni Ai Ai kung aktibo ang kanyang sakit na psoriasis, ang sakit sa balat na hindi naman nakakahawa pero ‘pag umatake naman ay mahapdi at namumula ang kanyang balat.

Say pa ni Ai Ai, halos lahat ay nagawa na niya para malunasan ang kanyang sakit pero wala pa raw lunas sa kanyang skin condition. Kung kaya binago na lang ni Aiai ang kanyang diet. Nagbawas siya ng pagkain na mayaman sa carbohydrates at pulos organic food ang kanyang intakes. Kahit paano raw ay nakatulong ito para hindi atakehin ng kanyang psoriasis. At talagang kailangan super ingat si Ai Ai na magkasakit dahilan sa auto-immune ang psoriasis.

Sa ngayon ay bisi-bisihan si Ai Ai sa dalawa niyang show sa GMA-7, ang “Sunday Pinasaya” at ang pagiging sa mga judge ng talent search show na “The Clash” na magsisimula nang umere ngayon buwan ng July, hosted by Regine Velasquez-Alcasid.

JULIE ANNE SAN JOSE DINAAN SA KANTA

ANG PAGMAMAHAL KAY BENJAMIN ALVES

ALL set na si Julie San Jose para ipromote naman ang latest single na nirecord at siya mismo ang nagsulat ng kanta, ang “Tayong Dalawa”. Ngayon taon ay nakakadalawang hit song na si Julie Anne, ito ay ang mga “Nothing Left” at ang “Your Song”. Maging 3 in a row or more kaya this year ang hit singles ni Julie Anne? Marami rin ang nagsasabing ang lyrics na ginawa ni Julie Anne ay naging inspirasyon niya ang boypren na si Benjamin Alves.

Madali lang daw natapos ni Julie Anne ang kanta at inspired na inspired siya habang ginagawa niya ito.