RIZAL – LIGTAS na ang mga taga-Antipolo makaraang maapula ang sunog sa kulungan sa Antipolo City.
Sa ulat, Huwebes ng gabi nang masunog ang Antipolo City Jail. Katabi lamang ng city jail ang Antipolo Police Station sa Barangay San Jose.
Batay sa Bureau of Fire Protection (BFP), nagsimula ang sunog alas-8:01 ng gabi.
Umabot ito sa ikalawang alarma at naapula naman pasado 9:00 ng gabi.
Kasalukuyang nagsasagawa ng accounting ang Bureau of Jail Management and Penology upang masigurong walang nakatakas na mga preso.
Mayroon namang mga inmates na isinugod sa ospital dahil sa labis na pagkakalanghap ng usok.
Nananatiling nakasara dahil sa insidente ang bahagi ng Sumulong extension road. AIMEE ANOC
Comments are closed.