KINALAMPAG ni Assistant Minority Leader at ACT Teachers party-list Rep. France Castro ang Department of Labor and Employment (DOLE), Department of Education (DepEd) at Commission on Higher Education (CHED) para bigyan ng tulong ang mga guro sa pribadong sektor.
Ayon kay Castro, nakatanggap siya ng mga reklamo na walang ayuda na inilaan ang pamahalaan para sa mga private school teacher sa gitna ng ipinatutupad na Luzon-wide enhanced community quarantine.
Giit ng lady solon, maraming mga pribadong guro ang contractual at ‘no work, no pay’ na dapat ay mapasama sa social amelioration program (SAP) ng pamahalaan.
Sinabi pa ni Castro na hindi kasama sa SAP ng Department of Social Welfare and Development (DSWD) ang mga public at private school teacher at marami rin sa mga private school ang hindi nakaabot sa deadline ng DOLE para sa P5,000 one-time assistance sa ilalim ng COVID-19 Adjustment Measures Program (CAMP).
Hindi rin, aniya, kinokonsidera na bahagi ng MSMEs ang mga pribadong paaralan kaya hindi rin ito maka-avail ng amelioration program.
Giit ni Castro, hindi naman ligtas sa epekto ng COVID-19 ang mga pribadong guro kaya umaapela siya sa pamahalaan na mabigyan din ng financial assistance ang mga ito ngayong nasa ika-anim na linggo na ng lockdown. CONDE BATAC
Related posts:
(Apela sa DOLE) CASH AID SA TEACHERS IBIGAY NA
KAPAKANAN NG EDUKASYON, GURO AT MGA MAG-AARAL NANGUNGUNA SA ATING MGA PANUKALANG BATAS NGAYONG 19TH CONGRESS
(Isinusulong sa Kamara)P2K SUPPLIES ALLOWANCE SA TEACHERS
TEACHERS ARE UNSUNG HEROES
(Isinusulong sa Kamara)DAGDAG NA POLL PAY SA TEACHERS
(Aprub na sa Senado) DAGDAG ALLOWANCE SA TEACHERS
(Tiniyak ni VP Sara) UMENTO SA SAHOD NG TEACHERS
LEADERSHIP STRATEGIES OF SCHOOL HEADS IN MANAGING SCHOOL AMIDST COVID-19 PANDEMIC:BASIS FOR RESILIENT TRAINING PROGRAM
Comments are closed.